انتي شقفة من ذاكرتي.... رحيل الاعلامية يمنى شري يهز أهل الفن والإعلام:يويو يا يويو كتير بكرتي

6^min

توفيت الإعلامية اللبنانية يمنى شري عن عمر ناهز 55 عامًا، تاركة خلفها إرثًا إعلاميًا غنيًا وذاكرةً تلفزيونية محفورة في وجدان اللبنانيين والعرب.

وتفاعل عدد كبير من نجوم الإعلام والفن في لبنان مع خبر وفاتها، معبرين عن حزنهم وصدمتهم برحيلها، ومنهم من استعاد ذكريات شخصية معها، مؤكدين أنها كانت تتمتع بروح محبة وابتسامة لا تفارق الشاشة.

وكتبت الفنانة سيرين عبد النور مودعة الاعلامية يمنى شري: "يمنى الله معك يا أجمل قلب ونفسية. كتير صادم ومحزن خبر وفاتك، بس أكيد انتي بمكان مليان سلام. الله يرحمك."

يمنى الله معك يا اجمل قلب ونفسية كتير صادم ومحزن خبر وفاتك 💔
بس اكيد انتي بمكان مليان سلام
الله يرحمك #يمنى_شري pic.twitter.com/utb9s6uoCA
— Cyrine Abdelnour (@CyrineAbdlNour) September 18, 2025

والفنانة إليسا أشارت إلى الأثر الدائم الذي ستتركه يمنى في الذاكرة: "كنتي ورح تضلي ببالنا وبذكرياتنا كتلة حب وطاقة حلوة وإيجابية. رح يبقى اسمك يترك على وجهنا ابتسامة حلوة كل ما نتذكرك. نفسك بالسما إنشالله، بعيد عن كل وجع."

#يمنى_شري كنتي ورح تضلي ببالنا وبذكرياتنا كتلة حب وطاقة حلوة وإيجابية، ورح يبقى اسمك يترك على وجهنا ابتسامة حلوة كل ما نتذكرك. انشالله نفسك تكون بالسما بمطرح بعيد عن الوجع يللي ما كنتي بتستاهليه ابداً 💔🙏🏻 pic.twitter.com/ffEyr6hLQN
— Elissa (@elissakh) September 18, 2025

بدورها، عبرت الفنانة رحمة رياض عن حزنها العميق قائلة: "وجعتيلي قلبي يا أم الضحكة الحلوة والقلب الأبيض… استعجلتِ الرحيل يا داعمتي النقية. الله يرحم روحك الطيبة."

#يمنى_شري… وجعتيلي قلبي💔
يا أم الضحكة الحلوة، والقلب الأبيض…
استعجلتِ الرحيل يا داعمتي النقية.

الله يرحم روحك الطيبة😔🙏🏼
إنا لله وإنا إليه راجعون. pic.twitter.com/4Mjv3wE8Ex
— رحمة رياض | Rahma Riad (@RahmaRiad) September 18, 2025

أما الممثلة ماغي بو غصن، فكتبت: "كتير بيزعّل الخبر... يمنى يعني الضحكة والحلاوة والروح الحلوة والإعلام الممتع يلي عمره سنين من الخبرة والمهنية العالية. الله يرحمك ويصبّر قلب أهلك."

كتير بيزعّل الخبر كتير.. يمنى يعني الضحكة والحلاوة والروح الحلوة والاعلام الممتع اللي عمره سنين من الخبرة والمهنية العالية.
الله يرحمك ويصبرّ قلب أهلك يا رب.
روحك بالسما 🙏 #يمنى_شري
— Maguy Bou Ghosn (@MaguyBouGhosn) September 18, 2025

وعبّرت الفنانة سهى قيقانو عن ألمها لرحيل يمنى شري قائلة: "أوف هل الحياة شو رخيصة… يويو يا يويو كتير بكرتي، الله يرحم روحك الحلوة والضحكة اللي ما بتفارق وجك."

اوف هل الحياة شو رخيصة.نحنا جينا على هل الدني مشوار مش اكتر وراجعين فالين ما منعرف اي لحظة لان دائما فلتكن مشيئتك يا رب.....
يويو يا يويو كتير بكرتي.الله يرحم روحك الحلوة والضحكة لي ما بتفارق وجك..#صدمة #يمنى_شري pic.twitter.com/waOtViF3Hx
— Soha Kikano official 🇱🇧✝️ (@SohaKikano) September 18, 2025

وقالت الإعلامية ريما نجيم: "شو هالخبر المؤلم... يمنى اللي كلها فرح وطاقة غابت... قصة حزينة كتير هالصبح. رح نشتاقك محبتك وضحكتك."

شو هالخبر المؤلم
يمنى اللي كلّها فرح وطاقة غابت بعيد عن اصحابها والناس اللي حبّتن وحبّوها
قصة حزينة كتير هالصبح #يمنى_شري
رح نشتاقك محبتك وضحكتك 💔
الله معك
— Rima Njeim (@RimaNJEIM) September 18, 2025

ونوّهت الممثلة رولا شامية بصدق يمنى شري: "كتير بكير يا يويو، يا قلب محب وروح نقية. فقدنا صوتًا حمل الصدق في الكلمة وابتسامةً ملأت الشاشة دفئًا."

كتير بكير يايويو يا قلب محب و روّح نقية
طاقة من الفرح والعطاء
فقدنا اليوم صوتًا حمل الصدق في الكلمة، وابتسامةً ملأت الشاشة دفئًا وفرحًا.💔💔🙏🏻 #يمنى_شري pic.twitter.com/n02tsB6y7r
— Roula Chamieh (@RoulaChamieh) September 18, 2025

أما الممثلة كارمن لبّس فكتبت: "خسارة للبنان هالضحكة يلي بتنقل الفرح وين ما كان. الله يرحم الإعلامية المتميزة والمتفردة يمنى شري ويصبر أهلها."

خسارة للبنان هالضحكة يلي بتنقل الفرح وين ما كان 😕 الله يرحم الإعلامية المتميزة والمتفردة #يمنى_شري ويصبر أهلها ومحبينها 🙏🏻 pic.twitter.com/soDRQmztws
— Carmen Lebbos - كارمن لبس (@C_lebbos) September 18, 2025

كما قالت النجمة نيللي مقدسي: "خسارتها خسارة زمن حقيقي… فيه كان الإعلام رسالة وكان الفن صدق. ستبقى حاضرة في قلوبنا إلى الأبد."

خسارتها خسارة زمن حقيقي… فيه كان الإعلام رسالة وكان الفن صدق. وبعفويتها الصادقة ستبقى حاضرة في قلوبنا إلى الأبد الله يرحمك #يمنى_شري وتكون نفسك بالسما 🙏🏻 pic.twitter.com/vmblWIhAUd
— Nelly Makdessy (@nellymakdessy) September 18, 2025

وبدوره، استعاد الإعلامي ريكاردو كرم بدايات يمنى شري قائلاً: "بدأنا المشوار في أوائل التسعينيات يوم كانت تملأ شاشة المستقبل بابتسامتها وطلتها المتجددة. لم ألتقِ بها وجهًا لوجه، لكنها كانت على تواصل دائم من كندا."

صباح حزين بدأ بخبر وفاة الإعلامية اللبنانية يمنى شري.
بدأنا المشوار معاً في نفس المرحلة في أوائل التسعينيات، يوم كانت تملأ شاشة "تلفزيون المستقبل" بابتسامتها الكبيرة، طاقتها المتجددة، ديناميتها وأنوثتها.
لم ألتقِ بها يوماً وجهاً لوجه، لكنها كانت على تواصل دائم، لا سيما في… pic.twitter.com/JHMANqPmFy
— Ricardo Karam ريكاردو كرم (@RicardoRKaram) September 18, 2025

وعبّرت الإعلامية كارين سلامة بحرارة: "انتي شقفة من ذاكرتي... سابقة عصرك. يمنى يا أطيب قلب وأجمل روح. رح تبقي بالقلب."

انتي شقفة من ذاكرتي، دخلت تلفزيون المستقبل كان حلمي صير مثلك..... سابقة عصرك بكثير ،يلي عملتيه من عشرات السنين عملوا مثله هلأ
روحك الحلوة وضحكتك يلي كانت تعبي الدنيا
يمنى يا أطيب قلب واجمل روح، يا زميلة وصديقة بفتخر فيها وبتشرف اني عرفتها
رح تبقي بالقلب يا
Yoyo
وهلا يمنى هلا.....… pic.twitter.com/NJWHcp1pZT
— carine salameh (@SalamehCarine) September 18, 2025

وقال الإعلامي نيشان ديرهاروتيونيان: "خبر مفجع. رَحَلَت يمنى شري، الصديقة والرفيقة، والإعلامية التي أشرقت في المستقبل والقلوب. رحلت القمر عالباب. قلبي حزين."

خبر مفجع.
رَحَلَت يمنى شرّي.
الصديقة والرفيقة
والإعلامية التي أشرقت
في المستقبل والقلوب.
رَحَلَت "القمر عالباب".
قلبي حزين.
جدًّا.
ارحمها يا الله.
الصّبر لأسرتها. pic.twitter.com/TQin8fMNsQ
— نيشان (@Neshan) September 18, 2025

وفي منشور عبر حسابها على إنستغرام، كتبت الممثلة ورد الخال:"يمنى يا يمنى… كنت مفكرة إنو قد ما أنا مزعوجة ما بقى في شي يزعجني أو يصدمني..! كيف هيك؟! كم مرة قلتي بدك ترجعي ونلتقي ونضحك عالإشيَا سوا؟ غيابك الصادم كرزة مرة كتير يا يمنى.. سلّمي عاللي راحوا، ونامي بسلام بلا كل الوجع."