إعلان فرنسي اليوم أثار بلبلة بين التلاميذ والأهالي بلبنان، بعد ما أعلنت وزارة التربية الفرنسية إلغاء الامتحانات الخطية والشفهية للبريفيه والبكالوريا الفرنسية بلبنان وعدد من دول الشرق الأوسط، أخذًا بالاعتبار الأوضاع الخاصة والأمنية بالمنطقة.
يعني فيه امتحانات أو ما في؟ ومين معنيّ بالقرار؟
الـLBCI تواصلت مع المعنيين وعملياً، بلبنان نحنا قدّام مسارين مرتبطين بنوعين من المدارس.
النوع الأول: المدارس المُدمجة، (homologue ) يعني المدارس الحاصلة على اعتماد رسمي من وزارة التعليم في فرنسا، يؤكد إنو برامجها التعليمية بتأهّل التلاميذ لتقديم الامتحانات الرسمية الفرنسية.
بهالحالة، تلاميذ البريفيه والترمينال ما رح يقدّموا امتحانات، وعلامات السنة الدراسية هيّي اللي رح تحدد النتيجة النهائية.
أما النوع الثاني، فهو المدارس غير المدمجة، (non homologue) يعني المدارس اللي بعد ما نالت الاعتماد الرسمي الفرنسي أو بعدها بطريقها للحصول عليه.
بهالحالة، التلميذ يُعتبر مرشح حر، ولذلك يُفترض أن يقدّم الدورة البديلة المقررة بشهر أيلول.